Gənc Sahibkar

Mən Kazımova Samirə Marsol Kariyera və İnkişaf mərkəzinin şargirdi Kazımzadə Nicatın valideyniyem. İlk öncə belə bir layihənin var olması məni çox sevindirdi. Gələcəyin sahibkarlarını hazırlayan bu layihə uşaqların bilik və bacarıqlarını artırmağa, iş yerləri ilə yaxından tanış olub iş adamlarından məsləhətlər almağa imkan yaradır. Həm ölkə daxili, həm də xarici ölkələrə təşkil olunan səfərlər uşaqlar üçün çox maraqlı olur. Bu layihəni təşkil etdiyiniz üçün sizə təşəkkür edirəm. Uğurlarınız daim olsun.

Oğlum Marsolda oxuduğu üçün çox şanslı hiss edirik. Gənc yaşda biznesin dərinliklərini öyrənib, sahibkarlıq bacarıqlarına yiyələnməklə gələcəkdə biznes idarəetməsində uğurlar əldə edəcəyinə inanırıq. Əldə etdiyi bilik və bacarıqlarla uğurlu və zəngin bir karyera yolunda irəliləyəcəyinə əminik. Marsola zəngin təcrübələrini övladımla bölüşdüyü üçün xüsusi təşəkkür edirik.

Övladlarımızın gələcəyin sahibkarları layihəsində iştirakı üçün çox məmnunuq. Bu layihədə uşaqlarımıza keçilən dərslər, ofis istehsalat ziyarətləri və rayon turu, övladlarımızın gələcək düşüncələrinin formalanmasında çox əhəmiyyət kəsb edir. Sahibkar övladları ilə dostluğu və sahibkarlarla görüşləri, həmçinin Marsol Group-un komandası ilə əlaqələri onlarda sahibkarlıq ruhunu yüksəldir. Bir sözlə ifadə etsək: Marsol Group-un əldə etdiyi nailiyyətlər, gələcəyin sahibkarlığı layihəsinin uğurlu olmasının garantısıdır.

Düşünürəm ki, bu il mənim oğlumun həyatında gözəl dəyişiklik oldu. Marsol Karyera və İnkişaf Mərkəzi sayəsində. Öncəlikləri "Öncə insan" şüarısı ilə yaradıcı və innovativ şəxsiyyətlər yetişdirmək olan bir qurumdur. Adından bəlli olduğu kimi çox keyfiyyətli təhsil və karyera mərkəzidir. Ölkəmizin çoxsaylı şirkətlərinə səfərlər və şirkət rəhbərləri ilə olan söhbətlər uşaqların gələcəyinə çox şey qatacağına inanıram. Onların gələcəkdə çox savadlı və öz işinin pəşəkarı olan gələcəyin sahibkarları olacağını düşünürəm. Bu yolda əvəzsiz dəstəyi və qayğısına görə Marsol Karyera və İnkişaf Mərkəzinə çox təşəkkür edirəm.